關於上一篇blog文，當日發生的還有下文，而且都幾令人氣憤!
去吃Fat Angelo's, 雖然不是fine dining，
but如果我expect 服務態度比快餐店好少少，難度過份?
但我跟你說，sorry，唔好諗住黎呢度食service。
1) 當晚(6月27日)我們坐508 號枱，是在餐廳最後的一個較隱秘的範圍，
大約容納10張6人枱吧。
其實都算好吵，因為就好像幾十人在同一間房中聊天一樣，好「應聲」，
不過算了，沒有人說這裡是高級餐廳。
後來，有一桌人(大約20個)離開，
剩下的碗碗碟碟一大堆，侍應過來收碟，
他幾乎是「亳無技巧」地「掟」那些碟進盤子去，
你可以幻想20隻碟加上刀刀叉叉毫不留情的碰撞到底有多吵多煩人!
喂, 細路，個area仲有好多人o架!
餐廳不算小集團，不是連這些基本侍應技巧都沒有教吧?
不教，common sense都有少少得唔得?
小總結: 毫不專業
2) 是夜埋單$580，ok，我身上不夠現金是我錯吧，
侍應說card 機壞左不能用信用咭, 我們幾個人只得夾些現金出來，
本來算自己倒霉，但後來發現，埋單時，侍應只試了最近我們枱的那部機，
離開時發現餐廳其他地方原來還有機，為什麼不也試試?
但他回來說card機壞了的時候，
我有問過能不能改用其他card, 或eps,
(因為我們是那個area最後一枱人，眼見其他枱埋單是沒事的)
到最後要用現金時老實說我面有難色的，
我不明白為什麼那個侍應不能見客人面露不悅了還不能醒目少少，幫多少少?
行出去試下其他機，或者找"比較識用那部機"的同事幫幫手?
到我們放下現金之後，那個侍應又只顧著"搞"那部card 機-連番dodo聲叫，
要我們叫他才施施然過來。WTF.
小總結: 懶/hae，不懂變通
3) 因為頭一次埋單時先給了信用咭的，
所以侍應回頭來時說不能用咭時，我的那張信用咭其實還夾在bill book的另一頁，
我們專注"湊現金"而忘了那張咭給"攝"了在另一邊，
埋單後就離開餐廳了。
直到去到地鐵站，妹妹問起有沒有忘記拿咭時(為什麼不能早點提我?)
才發現那真的留在餐廳去了，
那當中都起碼20分鐘(因下雨，慢慢行)，不明白為什麼連那埋單的侍應都沒check下囉?
我肯定連那侍應都沒有check是因為當我打電話回餐廳詢問時，
頭一次餐廳回覆是「找不到」! 後來又說找到了.....
小總結: 不專業x2
4) ok，當是我大意沒有拿咭是我錯，但作為侍應的也不是沒有一點兒錯吧?
當我們轉頭回到餐廳時(oh fuck，已經由毛毛雨變大雨)，因為餐廳已準備打烊了，
門口已經沒有人招呼，裡面侍應不多，
我們多走幾步入內，我!肯!定! 那侍應見到我們，
那我們都還沒找到什麼人可以幫忙的時候，
你條粉腸係唔係應該過黎問下我咩事呀? 睇下有無野幫到呀?
而唔係行在去另一條柱後面匿埋!!!!!
點解我肯定條粉腸認得我呢，因為當佢去埋其他客單，
不得不走出"條柱"去收銀時，佢再"探頭式"望一望我，然後同佢身邊條女唔知講左d 咩，
條女擰轉頭(兩人本背著我們)望一望我然後係度笑....
OK，我無千里耳，我唔可以肯定佢地一定講緊我，
或者條女無啦啦屎忽痕擰轉頭，但係咁樣俾d客見到米樣衰囉!
仲有好明顯我們企左係度無人理喎，你地當無事?
小總結: 窩囊廢
呢d 唔係大錯，係好小事，我無要喊打喊殺，我無鬧神鬧鬼(由始至終都無)，
我無期望我返去你會90度鞠躬致歉，
但一個好明顯你有責任既事情你做唔好，無盡侍應本份去幫返個客，
你係唔係低能到咁都唔識?
呢度講緊，由始至終同一個waitor，
我無睇佢叫咩名，
but當晚serve那個area的waitor不多，男(低級)的更只有一個，
黑衫的(黑衫低級, 藍衫高一級, 之後再高是白衫)，無帶眼鏡，
一般高，無咩表情果隻，so u! DAMN! Shame on you!
Fat Angelo's 本來是打算經濟地吃一餐"好似好環境"少少的選擇，
but sorry, with the food not impressively good and this level of service,
這間打死再不幫趁。
No comments:
Post a Comment