.

滿足是先滿就後足，
最後才是無慾無求。

心滿的感覺我很少接觸到，
意足更是不可能。

有時候，
又不是我要求高，
而是不可能就把要求平平白白地降下，
去遷就一些怎麼學都不懂的人。

沒錯，我是可以當什麼都沒發生，
但實情是，
我好怕要兜口兜面去做一個連我自己都沒法形容的表情。

其實我已綞等了一段很長的時間......

[芝麻街BERT]多另類的也有人愛，有多少個卡通人物喜歡儲汽水蓋?

芝麻街真的可算是我由細睇到大的兒童節目，
我記得中學我是3點8放學的，芝麻街是4點播，
很多時，一放學會sharp leave，為的多是芝麻街。
我當然也看「閃電傳真機」等，但長大了，誰還在看，
除了芝麻街，到現在都會。

芝麻街人物中，我一直最愛其實是不太大路的
BERT(黃色蕉形人)跟COUNT(最愛數數字的伯爵/吸血鬼)。

Count, 其實佢全名是Count Von Count，
我小時候覺得好勁，嘩，怎麼兒童節目會有吸血鬼?
還要是老鬼，老牛咁既聲，仲有，佢好受女人歡迎!
佢好煩，最鐘意逐個字數出來，明明問題的答案是6，
他要由1起，數2、3、4、5、才到6，好正，
again，我覺得這種人很有原則(雖然很煩)。

Bert人如其貌，又古板又認真但很聰明，
但我愛他的正經中有時候有點小鬼主意，
他是不折不扣的nerd!
他的興趣是收藏萬字夾跟汽水蓋!
(當然咁多年都仲同個男人同居就知佢一係NERD, 一係GAY)
有一集，他拿著一本叫做"boring stories"的書在看(其實佢集集都睇緊書)，
還自得其樂地哈哈笑(其實有點creepy)，
不過他就是有這種你愛就很愛，不愛就不愛的鮮明性格。
它的室友Ernie剛好相反，常製麻煩，
Bert總是似是而非地替他解難，
我小時候，覺得佢很悶，不過很"husband material"!
潛移默化，我覺得我擇偶，也就不小心擇了這種人!

前幾天，找到這個VIDEO，十分可愛，
BERT不是很受歡迎的人物，他的確奇奇怪怪，
但他善良，忠於自己，
如果小朋友，能從小學懂欣賞別人不同之處，
世界到底會變得多美好。


題外話，
我喜歡他唱道"And rocks are only really loved by, guys like me."
其實幾浪漫，人夾人，
一舊石都有人珍惜如此，其實呢種男人都OK!

---

佢有個TWIN BROTHER - BART


同埋姪仔BRAD

《3D玉蒲團之極樂寶鑑》百幾蚊睇三級片其實貴，仲要男主角條JJ細。

真的是，你一定會問，影評好寫不寫，寫玉蒲團?

不，老實說，今次蕭公子的3D玉蒲團，先不說電影，
勢做得真不錯，港產三級片(咸濕果隻)，有幾何全院滿座?
還要已成城中話題，幾時去睇咸濕三級片是一件HIP的事?
但昨夜去看，在座的有的是情侶、姐妹黨、西裝靚仔堆、毒男當然不少，
真係睇《單身男女》都無咁爆!

其二我對玉蒲團有種情意結，我第一套睇的咸濕三級片就是玉蒲團，
當年剛滿18歲，中學同學們送了一隻VCD給我作禮物，
那年是舒淇跟李麗珍，印象中都幾好睇，
不過有次俾屋企人見到(我就咁放係D VCD堆入面)，
無啦啦丟左唔問過我，我堅係有鬧過佢地!

《3D玉蒲團之極樂寶鑑》其實從商業角度來看，很成功，
3D喎，港產三級片一向給你"CHEAP到死"的感覺，
但今次落重本喎，講堅，片頭段水墨動畫都幾靚。
3D效果，其實可有可無，
3D出現的地方最多是飛子彈飛刀噴血噴水等無謂效果，
(雖然中間雷凱欣出過3D胸彈，but honestly，那到底是不是她的胸都好成疑!)

故事其實通順過好多電影，起碼有頭有尾，有笑有血有淚(!?)
真係仲有驚喜到你會佩服蕭公子的橋段!

演員不錯，女主角個個都很討喜(個人覺得除了雷凱欣)，
一套有齊日本、內地加港女，仲想點?

大女主角藍燕，樣子第一次看清，原來幾甜，
不過太瘦，最怕見到女人露排骨!
最緊要係...有演技! (亦都係唯一一個有戲做的女主角)

我最鍾意原紗央莉，樣靚身材正，還有她的皮膚有種其他女角無的清透光澤!
不過可能做開AV，戲太誇張，太刻意地姣地扮滿足，好煩!

周防雪子呢，簡直係打女出身，酷爆，全場無笑過，
佢D床戲，好似睇武俠片，
唔知點解，我一路睇佢一路想起KILL BILL.

雷凱欣，作為香港代表，
令人超失望，個個豁出去，佢仲要錫身，
無床戲，露得果兩點(仲要唔知係唔係佢)，
簡直丟港人架。

可能你會問，女人看三級片有無反應，
我會答，好看的，我就會，玉蒲團呢?我無!
《3D玉蒲團之極樂寶鑑》依然有著香港咸濕片的通病，
就是認為粗暴地對女人就是「爽」，
幾乎每場床戲都是男主角的衝衝衝，
個個女人好似唔俾人打唔ENJOY，NO!
無一場床戲我有fantasy過，因為見到都覺得辛苦，
咁辛苦為乜?
造愛不是拗手瓜，大力、快、打低對方不等於勁!

有女主角當然有男主角，
但作為女觀眾，男主角無個吸引!
青靚白淨STYLE的葉山豪其實唔靚仔，
以前佢有留鬚，MAN好多，飾公子哥兒角色好怪!
何華超....WELL...太麻甩佬(邊個會為屁股細小的麻甩佬有性慾呀?)
另外飾演上宮XX的那個好女人型。

---

故事其實寫得唔錯，
追求無上的極樂換來對真愛的領悟，
你話係唔係勁先?

---

題外話，兩個小時內，
跟多條勃起的JJ共處一空間，
其實真係人生第一次。
一路睇，一路估下前面D 男觀眾有無/幾時有反應，
其實幾變態。

有錢有卡士，套戲都可以屎。

完全是雜念無章

我喜歡華語片，但我並不愛爛片
朋友說，看港產片你預左佢爛, 我不同意，
香港名導一堆, 好片一定有。
先不說，來先甜後苦。

上上週末患了小病, 就決定不睡也要臥床，
就這樣，來了個華語馬拉松。

看了「非誠勿擾 II」，好看，
單看對白就夠過癮, 愛情故事其實很簡單，
其實也沒有什麼角力，就是那種「似層層」地的徘徊最好看，
很多東西, 不想也好，說白也好，都不對，
兩頭不到岸的跑、跌、碰就浪漫了。
另外，我真的超愛那些說國語說到"捲曬脷"的國內明星，
那些用詞那些發音，懂不懂也好，聽起來就覺得標準，
造型也好, 孫紅雷型, 葛優隨意，兩種口味我都愛，
香港的那些, 真的扮都扮不起那種淡淡然的MAN味!

就這麼一套好看的，之後就是爛片的惡夢:

1) 《婚前試愛》
唔係周秀娜, 你估我會看嗎?
當然不會，我最憎葉念琛!
他那些所謂揶揄的愛情觀，膚淺到爆，
《婚前試愛》也不例外，說來說去「三幅被」,
浸大E神D戲超屎!
THE END.

2) 《戀人絮語》
無聊又眼高手低，
最憎這種賣弄花巧以為自己拍緊藝術片又無內容的電影，
好多情節, END UP我只係想講"搞咁多野,係咁咋下話?"
爛到爆炸!

3) 《最強囍事》
總之我無笑過，同埋我頂唔順, 無睇曬, 係咁!

---

其實仲有睇《我愛香港開心萬歲》
真心覺得好睇, 簡單溫情有小小好笑，
起碼故事通順。

就想找些食物來調劑心情, 可惜越吃心情越差勁!

心情壞透時，
最希望吃一碗熱騰騰的拉麵，
隨著溫暖的湯與蒸氣的洗禮，
心期望可以回暖一下。

於是，星期一下班決定吃拉麵去!

我們是多先選地方後找食店，
到了荃灣的荃新天地，
才發現沒什麼拉麵店的選擇，
地下好像只有一間，
見價錢合理，就試一試吧!

很多東西看起來都不錯，
裝潢不錯，服務也很好，價錢也十分合理，
誰知....就是味道「超賴野」。

麵食多分有regular跟mini的size，
問問店員，說mini就差不多是一半拉麵的份量，
那保險些，
我點了regular的味噌湯拉麵，
波波點了regular的蕃茄湯拉麵，
來的時候，嘩!!!!
好大呀........個碗

味噌湯拉麵

蕃茄湯拉麵

我的味噌湯拉麵, 麵很明顯是跟湯分開煮的，
麵基本上沒味道, 硬硬的又不彈牙，
就麵已經不及格，那拉麵的靈魂----湯底呢?
簡直不知所謂!
老實說，我也不知道那到底是什麼味，
因為太稀了又太淡了，我點的可是味噌湯!
但波波說侍應俸上來時說那是豬骨湯(我食完佢先講起)，
實在，吃完了我也搞不清楚那是什麼味道!
配菜呢，兩塊叉燒又'鞋'又無味，
那些荀乾!!!吃上去有種濃烈而怪的味道，像吃浸了一夜醋的木筷子!

基本上，整碗大大的拉麵味道沒有1%合格!
波波說他的蕃茄湯拉麵還可以，
不過，下次再光顧的機會實在十分之少了。

有關這店的唯一有趣點是那個在筷子套上的LOGO，
應是集團旗下的另一食店，不過香港沒分店的。

超可愛呢~