頭髮入冬即變乾，不能近摸只能遠望。

我一個月才電了曲髮，平日又懶得護理，加上入冬，
頭髮日久失修，變得比禾桿草還旱，
有些摸一摸，比那些在街邊賣的假髮更像假髮!!!

我懶! 所以在冬日洗頭期間要我加hair mask之類的，
我實在懶....我最怕等啊~
所以，要急救，我多數只集中嘗試即用/免沖洗的護髮產品，
最近試了一些，跟大家分享分享。

先說最右那兩支:

矮身的，是很出名的大島椿的茶花護髮油，
Watson's有售，這個是小SIZE，好像是$78，
用法很多元化，
(1) 可於洗髮後，半濕髮加幾滴再吹乾;
(2) 可於乾髮上加少少在髮尾揉順;
(3) 可用比較多的分量在乾髮上，焗一陣，再用洗頭水洗兩次。

我呢，頭一次用在洗過的濕髮上，用不多，3-4滴，吹過後但感覺也沒怎麼樣，
第二次再多倒幾滴，豈料用過量(濕髮時沒發覺)，吹乾之後超"笠"，
像《阿旺》入面的李笑好，但那時已夜深，沒再洗，
待第二天早上依然太油，那就再洗多一次，
意外發現頭髮真的順滑又亮澤!!自此之後，我都用它作焗油!

另一支高身的是Watson's 橄欖護髮精華，
3個字comment: 廢 到 爆!!!!!!

首先，作為加入維他命E及橄欖油為主要成份，但質感勁"水"，
最慘的是，用極都無"反應"!
頭髮唔順都算，問題係用極都唔覺有用到，
用完頭髮依然勁乾，我起勢咁用呢，無好過，
但因為似乎有些物質殘留，多用了，反應頭髮"墮"曬!
簡直不知所謂，雖然只是$39.9，
但大家千萬不要買，買支真既橄欖油好過!

再黎兩支，
右邊那支小小的紫色包裝，是我從沒有試過的品牌Charles Worthington，
英國牌子，看簡介成份

我跟你說，它賣點光亮潤澤，就真的只得"閃"字一個!
先看看亮亮微閃的o者喱質感，其實好靚

但是........
它其實一點滋潤效果都沒有，但好閃，又不像定型用品，
只是一層閃粉, 我想，像去派對時頭上灑了金粉一樣，

圖中手指指著的地方就是用了的部份，(原諒我手震!)
其實有點無聊! Watson's(又係watson's) 特價$40，
不過我覺得無咩用，應該說"係唔知用黎做乜"。

另一支同樣是來自英國的牌子Tony & Guy，
絕對百分百推介!!!
雖然好貴，$148萬寧買，但又方便又好用，
雖然o即出來是油油的，感覺還很厚重，
不過只需在髮尾輕輕揉搓，
馬上有自然的光澤，而且順滑，
另外我很久前也提過Tony & Guy有種獨有的氣味，
我也是正正喜歡它的氣味,
所以加分加分，這支無論用法或功效，絕對一等一，
雖然小貴，不過值得試試!!