我寫左成朝正正經經《普羅米修斯》(Prometheus)電影後感無曬，
再寫就唔會了，唯有寫寫之前無寫又無關痛癢的無聊碎念。
1. side track人物設定好兒戲
班地質學家、生物學家上去好似無咩個人目的，
唔通上太空已經係未來觀光活動之一，
地質特點又無講，20%CO2就咁驚?
行兩行就怕死要返轉頭，
最無聊係咁怕死之後要走去玩蛇?!(蛇型異形)
Charlize Theron靚爆鏡但行行企企，
最後就咁瓜左，好浪費，
既然唔肯自我犧牲阻止太空船撞ENGINEER隻船，
做咩唔留佢一個係LV-233，佢死唔死都唔重要，
我反而想下集起碼至少有一個靚女。
2. 荷里活無老人演員?
做咩要搵人特技化妝扮老?
得個殼又演得衰，
眼神太精靈、行動太敏捷，
情況同你睇tvb時不時有演員扮老人同一level，
佢個造型只係令我諗起《神奇四俠》入面果個怪石人。
3. d 太空船真係好鬼靚
4. 原來我地既maker係光頭的，
佢地既身形咁巨大，又唔著衫，
偏偏無一個鏡頭映到佢正面，
可恨呀!
5. 連導演都講opening scene係邊度唔重要，
咁即係如果佢係LV-233或其他基地，
果個ENGINEER其實係SELF-DESTRUCTION?
但如果係地球的話，佢呢個行為為地球帶來異種生命，
係唔係就係人類?咁即係我地係HYBRID?
又唔O岩吖，套戲最後係女主角肚爆出黎果隻八爪魚米又係食左果ENGINEER，
最後都係出左隻異型? 但係呢隻異型生長過程係:
一滴黑色生化物-->人傳人繁殖-->由人體剖出-->進入ENGINEER-->異形!
6. 普羅米修斯的意義: GIFT OR DESTROY?
希臘神話中普羅米修斯為人類偷來「火」，令人類進入文明，
拉近人神平等，我覺得可能ENGINEER都係做緊呢件事，
佢可能CREATE左人類之後發現我地都係太蠢了，
打算送一堆生化武器來，將D人變曬異形，
即係進化後人類!
又或者個意思係，D生化液體原來米係個盒度既，
意喻PANDORA'S BOX? 一打開，就為人類帶來災難，
而呢D災難同PANDORA一樣，都是被好奇害死的。
7. 呢套劇應該俾醫院宣傳生育的
你睇，生仔有咩咁可怕喎，
女主角生完仔轉頭又跑又打，幾個人都阻唔到佢，
到時你只要堅持一個信念，
就係我要知道「人類係點黎既」，
咁人類原來就可以有超能力。
8. 電影開始牆上的壁畫，令我想起Indian Jones中的水晶骷髏頭，
外星人、Engineers都共通地超越人類，
而《普羅米修斯》中更加證明我們血源的關係(DNA吻合)，
但好明顯我地唔夠MAKER咁高科技，
證明「一蟹不如一蟹」應用係未來都係無錯的。
9. 女主角Noomi Rapace即係《龍紋身的女孩》入面個Lisbeth Salander，
睇《龍》時覺得她勁正，佢既樣貌身型就是跟Lisbeth Salander太神似而使我著迷，
外剛內柔(其實唔知算唔算柔)又敢愛敢恨是一種美態。
到之後《福爾摩斯》中的吉卜賽造型都不錯，
神秘又嫵媚。
可是在《普》中真係超唔掂，
曲短髮配矮小身材十足師奶，靚又唔係型又唔係，
都唔知想點，下集如果無靚女新角色加入，
叫我睇都幾難。
10. David 令我聯想到我另一個超愛的太空船機械人——Data (Star Trek)，
兩個都係木無表情，但兩個都有著似有還無的人類情緒。
我覺得Michael Fassbender真是超HOT，
嚴肅的男人真令人受不了!
No comments:
Post a Comment