週日去去科學園，幾個鐘打個白鴿轉。

週末我們說天氣好好，要出去玩，
於是去了科學園。
因為跟波波實在很少假日外遊(我們都是主張放假就要留在家的人)，
所以有此決定之後，心情就像準備去秋季旅行的小學生，
開開心心上車去!

星期日的科學園實在一點也不靜，很熱鬧，
很多大大小小的朋友，到那裡或閒逛或用餐或踏單車!

昨天去的時候剛好是「金蛋funfun日」，

勁多we嘩鬼叫的小生物!

還展覽了一架用電行的車 ，好似好勁，不過我覺得好樣衰

金蛋下的中庭長廊正舉行「藝術@科學園」，有來自韓國藝術家安畢妍的藝術裝置，詳情按此。

「Funfun日」主要是for小朋友吧，通往金蛋內的途中有for小朋友的教學小班

金蛋其實是個演講廳，有架空的橋連接

昨天演講廳每半小時播放「傑出華人系列」的科學家節目，
如高錕、楊振寧等，
在門口聽到有小朋友懶勁咁問「點解無伽利略?」
well....因為香港電台無製作「傑出西人系列」囉。

 演講廳很舒服，最緊要是無人，

 圖中的所有人跟我們一樣，只是八卦，當節目開始時，即閃!

波波趁機扮學生哥，well, 洗乜扮，佢個樣都似學生哥。

離開金蛋到地面，剛巧噴水池開始噴水，
天時地行人和，你看到嗎? 有彩虹o耶~~

我扮小朋友，問波波「爸爸~ 彩虹係點黎o架?」
波波答「彩虹係陽光同水點既愛情結晶品。」
我話「下? 個過程米三級?」
波波「因為太陽同水點都無器官，所以個過程係唔三級的。」
(-___-")
下? 咁教法? 你仲肯唔肯定我地要生小孩呢?

在水池的另一邊，有個租單車店，不過出租的是高級單車，
半躺狀態下駕駛，$150一個鐘，租車店員/老細講英文，
一睇就知西人玩意!

另一邊有個好似露天小劇場的物體

最後旅程以吃下午茶作結，
來到科學園咁"益智"的地方，
我們也不放過思考時間，
玩了幾盤IQ ipod 遊戲才離開!

離開才知有免費shuttle bus往返，時間表按此，
枉我們來的時候還到沙田乘綠色小巴，傻仔左!