好撚興

本來成朝打左一大篇Prometheus的影評，
Blogger未改版之前是識得「自動save」的，
我以為佢會繼續AUTOSAVE，點知無，
(改版之後，原來係要有post title先會autosave, 咩logic呀頂你!)
我只係按左一下"backspace"想delete一個字，
點知去返之前果頁，
無draft無save咩都無撚曬，
宜家好撚興，屌!

唔見左幾千字同唔見幾千蚊，
我覺得前者hurt d，
錢唔見可以搵返，
寫左洋洋幾千字無左基本已經無曬mood寫過，
呢一刻我真係好撚憎用電腦。

[卓健醫學美容再生中心]尖沙咀分店超唔掂，做完效果一D都唔見。(二之二)

承上篇:LINK
上文提到光顧「卓健醫學美容再生中心」(前名:CASE)，
大約九個月後，因為得知當時尖沙咀分店開幕，
適逢我也由原本在灣仔上班轉到沙田去，
理所當然地問問可否以後改為到尖沙咀分店做療程，
當然事先也問清楚，療程中的激光機是否一樣才轉的，
答案是一樣!
不過工作人員說，會員資料如果轉到尖沙咀分店後，
不能改回銅鑼灣的分店去(!!!)
我沒有想到會有什麼問題，那就答應，誰知之後就是惡夢。

如果閣下未必有心機看完以下這麼多的文字經過，
我先在這裡為「卓健醫學美容再生中心-暗瘡專案治理療程」
做個總結:「效果低，服務差，唔專業」。
話說到尖沙咀分店前的九個月一直都是在銅鑼灣準時每兩星期進行一次護理，
但到尖沙咀分店的第一次(2010年10月22)，
美容師已經說:「嘩, 你都幾嚴重喎!」
(可想而知之前果九個月係幾咁無效)
佢問:你有無睇醫生呀?
我話:好耐之前睇過....(我仲未講完)
佢搶答:咪又係咁
我米話:係呀, 所以黎左呢度囉, 都做左九個月喇, 米又有係.
佢繼續講(態度差果隻):你有化妝喎(下, 你怪我呀?)
我:係呀
佢(好唔耐煩咁"摺"左一聲問:「係唔係一定要化妝o架?」
我:我返工要見人，有時仲要見客囉。
但我想重申一點，
我對化妝品要求是嚴格的，成分我會看清，
少少唔舒服會馬上停用(SO FAR又未試過出事)，
而且從不化濃妝，只是一層底妝，concealer我都唔用，
如果美容師咁都要賴，我無野好講，
但我俾錢係想得到"治療"，唔係黎睇你面色。
我已經無咩心機理佢，當日期後對美容師的說話亦亳無反應，懶得回答。
當日SIGN OUT的時候，接待員跟我說分店新開張，送FREE TRIAL FACIAL，
我又沒什麼所謂，所以OK，預約了10月28日的FREE FACIAL試做。

好喇，10月28日那個FACIAL也是一般的FACIAL，
都係按面，針清(痛到仆街)同倒模，做左成個鐘，
但做完出黎都無咩特別，只係覺得做完之後佢塗左好多野係面上，
感覺好"笠痴痴"，之後約了男友，男友問做咩我塊面咁油，
我摸一摸，那些光澤不是"容光煥發"，是真的油。
做完FREE FACIAL之後接待員都有SELL下我，但我無興趣，
咁佢地都無HARD SELL我，仲送左PHYTO-C的美白精華試用裝俾我。

PHYTO-C的美白精華試用裝一共有三支，
我用左一次(係一次，唔係一支)，因為我斑點位多在兩頰及下巴，
那理所當然是塗在這些位置，
誰知，是晚馬上紅起來，
明顯變成一個"紅U"位在面上，所以一次後馬上停用。

本來也沒什麼，下次再到卓健時，美容師問起我那支精華怎樣，
我照直說我敏感啦，
你真是猜不到美容師竟然答我:「啊，你唔應該用美白精華O架，係可能會敏感O架，
呢隻牌子有保濕精華，不如你買黎試下」
下? 咁你又送???仲教我點用???你仲好意思叫我買野????
算!

仲有一樣野仲爆，話說我一直做的laser是"long pulse"，
在銅鑼灣購買療程時說明，LONG pulse laser是去斑的，
而一直以來，在進行激光療程時，
美容師有時也會一邊打laser一邊說"我宜家係針對你xx位置的斑點"云云，
那我是很肯定LONG pulse laser是去斑用的是吧?
那我轉到尖沙咀分店時問清楚，美容師說機她們用的是一樣，
但我後來在預約的時候說"想book long pulse"，
接待員說，我們這裡不是用long pulse的，我們的機叫"nutune"(讀音)，
我話:下? 你地又話有機仲要係一樣o架喎
這個時候，有個穿套裝應該高級少少的員工出來說"那都是一樣的"
她續說:「部機都係打油脂位，去油脂的」
下? 唔係去斑咩?
她停左一停，話:「你個療程係去油脂收毛孔，唔係去斑o架喎!」
我話:「但係一直以黎都係話for去暗瘡印，同埋打果陣，個美容師同我講宜家打緊斑喎」
她說:「其實都係一樣的」
我已經無咁好氣，算，我只但求快快做曬d療程就byebye。
呢日係11月5日。

11月19日是我最後出現在卓健的日子，那日是做peeling的，
因為應該是剩下一/兩次的療程，所以勁sell我(1)加錢搵醫生做(2)續買保養或其他療程，
當日我做完之後，被安排到一個房間等sale(著套裝那些)，
那個長曲髮的sale入來就問我:見你剩返一次，你覺得點?
我話:「咁你覺得有無效吖(指住自己塊面)」
她說:「不如你之後買返呢set 療程，不過可以一個月先做一次，當maintainance」
我說(我呢個時候仲係好好態度笑笑口):「但我真係唔覺有咩效果，暗瘡繼續生，印又係度」
她(馬上搶答):「緊係啦! 你都唔係搵醫生做!」
我:「但係你地SELL我果陣話醫生做同美容師做分別唔大」
她:「咁一定有分別啦!」
我(串):「咁個分別就係美容師做就完全無用?」
她(黑面):「咁醫生做緊係好D架喎!」
我已經唔想再有任何無謂對答，叫佢俾份SIGN OUT FORM我簽左就算，
過去一年，就算遇到差服務態度串的員工我都無咩話黑面，
我覺得做呢行，可能辛苦我理解，但呢日係我唯一一次黑曬面兼怒啤人，
我真心覺得呢間野不知所謂。

自此我亦都無再上去，雖然仲有一次半次療程，
但要我再上去接受呢D唔專業既服務同態度，
一千幾百，當我送俾你。

再總結:
其實都是自去尖沙咀分店才開始不快的經驗，
評心而論的一句，銅鑼灣那邊服務態度一向好，
上至SALE下至接待員都好，
尖沙咀分店除有一兩個在RECEPTION的認得是從銅鑼灣來，
其他都是新人，態度完全是一個字"串"，
偶然一次遇到一個叫KENIX(讀音)的美容師不錯，
後來預約都指定要她，可惜，只見過兩次，
再約時接待員說她已經沒有做(-___-)。

讓我回憶兩點買COURSE時被說服的內容:
(1) 我買的是12次療程，即12次LASER+12次PEELING，
遊說時多次重申，4個月之後會「好左6成」。
我覺得最後0.6成都無。

(2) 醫生做療程印象中比美容師做每次多加600-800不等，
但買COURSE說其實醫生跟美容師分別不大，
做的機器跟用料是一樣，
不過「有客人覺得俾醫生做會穩陣D」云云，
所以我最後買的療程都是美容師做的。
所以最後個SALES同我講無效係因為無揀醫生做我真係"興"的。

係咁，老實講，佢其他服務SPA呀脫光呀，
佢話送俾我試做一次我都無試過，
所以其他服務得唔得我唔知。
我只能夠講，呢間價錢唔係平，出面市場選擇多，係咁。

[卓健醫學美容再生中心]錢就俾左，但合格又說不過。(二之一)

這篇想寫很久, 一直拖, 今日終於"的"起心肝,
有見夏天是美容PEAK SEASON, 美白呀脫毛呀等等等，
所以事不易遲, 自己做過的這一間, 先給大家參考。

我要說的是卓健醫學美容再生中心,
我光顧是由兩年前起(那時店名叫CASE)，一直到上年年尾，
兩年前，皮膚也很差，這麼大的年紀暗瘡還是長不停，
在此之前，自己一直沒有光顧過美容院，
好了，無無聊想試試，就上網登記FREE TRIAL，
那時只有銅鑼灣一間分店，我在灣仔工作，地點剛好!

第一次上去跟我的CONSULTANT叫Joyce，雖然我這篇文多是"彈"的，
不過銅鑼灣的Joyce是非常好的，細心體貼，老實說，我買的是12個月的療程,
有9個月都是到銅鑼灣的，那裡的服務很好，sell是有sell, 不過唔煩!
第一次做的皮膚分析跟試做都不錯，環境都好，後來想kick off皮膚的煩惱，
買了12次的療程(一次療程即一次激光去斑+一次煥膚PEELING)，
可做12個月, 每次中間分隔兩星期，即每做完一次激光等兩星期做PEELING,
兩星期後再激光，埋單兩萬蚊樓下，印象中好似萬五六，張單我已經唔知去左邊。
頭9個月我都很準時，每兩個星期都去，OVERALL有讚有彈:

讚:
美容師無遇過唔好的，個個都好，體貼有禮(有時激光後面紅會主動問需不需要口罩)。
Booking 好容易，唔似坊間一些公司JOIN左PACKAGE又BOOK唔到。


彈:
- 無廁所, 要出去樓層跟其他公司SHARE那個，你知啦, 做完激光塊面紅紅地, 有D 懢介。
- Join時話有得見醫生(只見一次)，但約完可以話醫生唔得閒，下次再約過，
到真係有得見醫生時，只係過黎睇下(我當時在美容床上)，問下覺得點之類就算。
- 療程中間次次都會sell我呢樣果樣，有時企硬唔買，
不過買過一支cream，用左衰過唔用，我皮膚是乾性的，用了出油出得仲勁!感覺他們沒有真正的應我需要!
- 雖然這間公司標榜醫生跟進，但一來無咩機會見醫生，二來佢sell我package時明確地表示醫生做療程跟美容師做機效果分別不會大，但後來有一次，佢話醫生開左藥俾我食，咁ok, 點知療程唔包，又要俾錢(雖然印象中都係一百幾十)，但隻藥食到我胃痛，我打電話跟美容師反映，美容師說會問醫生, 之後都成兩日後先回覆，上去時就再俾返d胃藥我就算，咁即係點，亂開藥, 感覺好唔pro囉。


最緊要最緊要，當然是有沒有效果，
效果呢，不是沒有，但沒有很AMAZING，
KEEP住做，暗瘡還是有出，斑依舊存在(係有小小小小淡左)。
OVERALL, 性價比唔高囉。

但，一來美容師有禮友善，二來當去做下FACIAL，清潔下都OK啦，
咁所以我都無咩負面COMMENT，直到佢上年暑假尖沙咀分店開張之後才是惡夢的開始。

打左好多字, 下回再續。

唔好叫我「八十後」，我寧願極速加大自己做3字頭。

我"掹車邊"都叫「八十後」，
只是，你問我的話，要跟現在的那一班「八十後」相提並論，
我是如何不願意。

實情是，我很怕跟年青人打交道，
跟一個我大學時學的新詞一樣---「Hae」，
意即...hae, well, you know what i mean.

我好怕見到時下年青人只學懶不練精，
懶得學懶得動懶得記懶得做，
每個階段就只是為滿足那階段的最低要求而完成，
求學但求畢業，無夢想無目標，
工作但求"返左工有糧出"，無專業無能力得過且過，
大抵下了班連自己一天做了什麼也說不出，
十年下來依然一事無成。

老實說，你有多久沒遇得上一個有上進心勤奮熱情的年青人?
那些肯學肯捱不怕蝕底，對己對人對社會都存貢獻心有承擔力的人，
要不每年在「十大傑出青年」頒獎禮數得來那10個，
其他大部份的，都是不堪入目的喪屍類生物，
什麼都追求人行我行，人有我有，人做我做(有些連做都懶)，
對「青少年是社會未來楝樑」之說，我只能回感3個字---OMG。

有感而發，因為我身邊盡是八十後尾人，
我已經好厭倦由我這些「八十後頭」人去BABYSIT這班「八十後尾」人，
我唔理得你邊度畢業，你份PROFO係渣，個客睇完係皺曬眉，
我真係俾唔到你獅子開大口$200一個鐘既FREELANCE價，
你班契弟唔好好反省就只係識係度屌，怨個客怨香港無得做，
妖，what the fuck!

我係好無聊，小事就大叫!

ALERT: 先此聲明，我不是禮儀小姐，
此篇有粗口，平日的我憤怒時也其實是非常粗口爛舌的。

每天必經商場/大廈/樓宇 門口，推門拉門之開門EQ訓練大法得再三被挑戰，
我指的，其實是小事，道理如此: 我開門，我通過，THAT'S IT!

問題是，無家教者、懷疑殘廢者、純粹廢人比比皆是，
一在開門場合"老馮"停低等你開門俾佢，
係直情停係門口面前果隻最PK，
停係門口當你開門時攝入去那些更肯定是殘廢!
這些都算，人家可能沒自己幸運，連基本教育都未受過，FINE!

唯獨今日回家途中，在我家樓下商場遇到的事更是"the diu-est of all"，
我正準備進入商場，裡頭也有一師奶正向門口走來(慢果隻)，
因為我準備伸手開門，我把門向自己方向拉，
拉開之時，我就移身入來，
那位師奶"名媛"上身，以為我係bell boy開門俾佢，
又急不及待走出來，
頂你，那道門有多大呀?
結果兩人當然要碰撞而過，
係呢個時候，個女人竟然怒o卑住我講左句"仆街" ，
咩事?!!? 我緊係好撚興啦!
當時我回應左咩就唔方便打出黎喇，
你見我要係自己個blog度打粗口就知無啦啦俾人鬧仆街係既感覺係幾仆街!
唔好同我講佢可能好趕時間，果度有4度大門，佢咁趕可以自己開，
如果我開左你攝入黎，講句唔該，fine，
but有d人就真係咁白痴，基本家教無，連眼都係盲的，
明明無空間仲要撞過黎，呢種絕對唔係霸道，霸道者會唔俾我過，
呢種係又蠢又on9又覺得自己大撚曬既廢人!

呢度只不過係爛鬼屯門cheap cheap私人屋苑，
有d人唔好以為住緊serviced apartment得唔得?
呢度無人serve o架, 仆街!

係，無錯，我心胸係勁狹窄，你見我竟然要打過百字寫無聊野鬧人就知!
that's the fun of writting blog,  i write, i shout, and hurt no one!