我已經係一女之母, 圓圓仲要已經16個月大,
但有囡即係忙啦. 忙啦就緊係無時間寫字( 但有時間行街睇戲食飯打機 )。
圓圓話咁快咁大, 開始喜歡玩, 什麼都喜歡搞，
但三分鐘熱度，屋企成箱玩具已經玩到好厭，
所以打算整d野俾佢玩，一來滿足下我的手工癮，
(其實我已經一年365日織針不離手，但紙皮好少玩)
二來貧窮如我，真係唔想再俾錢買玩具(仲要佢玩無兩野已經唔玩),
咁唯有diy, 順便環下保，
他朝佢唔玩，我
既方便又快捷。
第一個Project係整「廚房」，
因為屋企個廚房圓圓好鐘意衝入去，
但廚房可以好危險
(雖然我地屋企好日都唔開火, 但驚佢會跌入垃圾桶)
所以整個廚房俾佢吊下癮先。
廚房1.0 暫時只有焗爐、洗手枱、洗衣機同埋雪櫃.
整其實唔難, 最難係要諗個設計要可摺合
(3分鐘熱度之後都要收得埋先得我屋企豆腐潤咁細)
材料主要係紙皮箱、牛皮膠紙.
除左雪櫃之外, 其餘3個既紙箱先處理:
1) 紙皮箱通常有個馱位, 小心地將佢地分離，呢一面將會係成品既TOP
2) 紙箱上下通常都係內外4張半塊大既紙皮, 切一邊黏去另一邊, 好似一度門咁，
黑色既地方黏魔術貼，咁唔玩時可分離 (有無留意我畫錯野?)
3) 左右兩邊都要STEP2整好之後, 基本原型已經完成
4) 所以關節位可以用牛皮膠紙加固, 會耐用點。我是用公司大量的過期海報的白色背面貼在紙皮上，但大家如要美化紙箱外觀，可用acrylic paint掃, 方便好多。
5) 以下是摺合後狀態
6) 要整廚櫃、焗爐的話, 係紙箱面界刀界開就OK. 另洗手盤我用了月餅盒，水龍頭是洗手液剩下來的唧頭，電磁爐是打印出來再貼上紙板再用銀色膠紙包四邊。
7) 洗衣機先開中間的洞口, 蓋是剪兩個相同的圓型中間夾透明膠片，把手加幾層紙皮就可以。關節位也是用牛皮膠皮貼好。雪櫃跟洗衣機的開合位都是用磁石吸附的。
8)洗衣機PANEL面通常都是鈄的，用5塊紙皮砌好。
9) 所有掣都是水瓶蓋，用膠槍黏上飲管，篤穿任何需要掣的地方，在後面卷上膠紙防止突出就OK
個雪櫃, 得閒先再寫!
圓圓玩得最開心唔係「煮野」, 而係一手拎起個焗爐同埋扭甩曬D掣同埋狂將雪櫃D野搬黎搬去。
